澳洲樓價點解咁貴？

好多時，由政治因素影響之下嘅政策，結果只會適得其反。

點解？有啲人會歸咎於政客嘅民粹；即係為咗討好部分選民，唔理後果都要推出一啲擺明會有反效果嘅政策。我甚至會大膽講：「有點樣嘅選民，就有點樣嘅政策。」

用樓價為例，唔少人都會覺得，住宅係必須品，所以政府有責任去令到居住成本降低到一個大多數人都能夠負擔嘅水平。呢個目標真係「駁你唔到」，問題係用乜嘢方法。

最直觀又最不可取嘅，就係價格管制。任何價格管制，係任何價格管制，都一定會令供應減少，只會令短缺變得更不平衡；強調多一次，係任何，完全唔會有例外。

再深層啲嘅思維，就會話：「既然價格係供求之下嘅結果，所以增加供應、減少需求，咁咪得囉。」

係嘅，但影響供求嘅困難之處，在於增加供應，真係好難。好多人以為，係咁起，不斷起，咁咪得囉；再唔係，補貼、降低成本等等，只要增加供應…