亞洲金融風暴 2.0

牛頭角順嫂話：「亞洲金融風暴，最衰都係炒家大鱷；最終香港好在有財金三劍俠，加上祖國強大支援⋯⋯」

事實當然唔係咁。

任何金融危機，之前一定有泡沫經濟。了解泡沫經濟點樣形成，先至可以明白危機係點樣出現。

亞洲金融危機一共有三個重要嘅時間點；一個係 1994 年聯儲局將短息由 3% 一年內加到 6% ，另一個係日本央行由 1995 年中開始將日元貶值 ，最後一個就係泰銖 1997 年中貶值。

匯率同利率，對資產價格，即係股價、樓價有影響；經濟周期，亦係咁樣出現。

如果話亞洲金融風暴嘅遠因，係亞洲嘅經濟泡沫，而亞洲嘅經濟泡沫，又係由日本嘅經濟泡沫擴展而成。

亞洲金融風暴 2.0 ，主角就係中國。

過去廿年嘅中國，就好似三十幾年前嘅日本，有以下嘅特點：

（一）過去廿年，長期貿易順差，信貸擴張 ；（二）樓市泡沫化；一般人，已經難以負擔供樓成本；（三）資本外流壓力增加；一帶一路，香港地產；（四）經濟增長急速放緩 ；（五）人口老化

日本 1980 年代末同今日中國，泡沫爆破過程亦有以下相同之處：

（六）樓市泡沫因政策爆破；（七）量化寬鬆；但未見成效； （八）貨幣貶值，進口成本急升；（九）企業變賣海外資產。

如果睇今時今日香港，情況比 1997 年更加惡劣⋯⋯