國際禁毒日，懲教署上載一條AI女團短片：四位美少女載歌載舞，逐一介紹四種毒品有幾爽，落尾先至現形講毒害。半日之內全城熱話，影片兩度下架。網民笑問：呢條片究竟係禁毒，定係賣毒？
表面係AI闖禍，實情係傳訊基本功出事。公共傳訊有三個層次：inform，講清楚後果與罰則；influence，連接受眾嘅價值觀，對症下藥；inspire，令受眾主動衍生訊息、替你傳播。香港官僚長年停留喺第一層，除咗威迫利誘冇第二度板斧。今次想跳級玩「年輕人手法」，但自己根本冇message：唔知目標受眾點解吸毒，唔知毒販sell緊乜嘢narrative，於是唯有用傳遞方式嘅花巧，冚住內容嘅空洞。歌舞愈華麗，空洞愈刺眼。呢個唔係技術問題，係機構問題——制度揀人，揀出嚟嘅係熟程序、識執行嘅人；efficient做到十足，effective無從談起。
有人會話：短片唔涉額外公帑，出發點係好，係網民斷章取義；有宣傳總好過乜都唔做。但傳訊嘅第一原則，係receiver decides meaning：受眾接收到乜，先至係你講咗乜。頭三十五秒都喺度推銷毒品嘅「好處」，就唔好怪個市場照單全收。
諷刺嘅係，政府今次的確做到 inspire；啟發咗大量二次創作，冇人收錢，人人落力。
當一個系統連自己想講乜都未諗清楚，佢愈努力傳訊，市場愈快替佢改寫。下一條片出街之前，不如先答一條問題：我哋想人記住嘅，究竟係乜？
問：為甚麼連與禁毒宣傳關係不大的懲教署，也要拍禁毒短片？
答：看 reporting line 就明白：這輪 campaign 由保安局牽頭，先有郭富城「企硬唔take嘢」宣傳，懲教署正是保安系統轄下部門。警察與海關有緝毒數字可以交代，消防分身不暇，夾在中間；懲教署似乎唯有以社交平台短片表態交功課。
問：為甚麼香港政府在這個時間點把禁毒提升到這麼高的層面？
答：2025 年起北京將禁毒視為重要綱領，時間上與美國以芬太尼問題向多國徵收懲罰性關稅高度重合。指令傳達到香港有時間差，最可能經兩會後由官員權貴帶回，於是近月各部門急於表現。
問：「企硬唔take嘢」這類口號有什麼傳訊問題？
答：口號的隱藏訊息是「吸毒者意志薄弱，意志堅強就能抗拒」。對真正在社會邊緣生活的目標受眾，這種說教不但無效，還會引來「我就是爛泥，不用你管」的反彈。宣傳者從未研究吸毒者為何吸毒、毒販的 selling point 和narrative是什麼，自然無從counter sell。
問：為甚麼說 AI 女團片反映的是機構問題，而非技術問題？
答：本身沒有message，就用傳遞形式的花巧彌補內容空洞；負責拍板的人不是傳訊專業，聽說 AI 做片便宜就下order，下面的人只求夠爆。在大機構和政府，上位往往只代表生存能力強、熟悉程序；而香港教育制度大量訓練出來的，是熟於執行技工但不懂得分析、思考和設計的人才。
問：公共傳訊的三個層次是什麼？
答：第一層是 inform，告知後果與罰則等近乎客觀的資訊；第二層是 influence，連接受眾的價值觀、對症下藥；最高層是inspire，令受眾主動衍生訊息、向他人傳播。香港政府長期停留在inform，除了威迫利誘沒有其他板斧。
問：這次風波引發的大量二次創作說明什麼？
答：諷刺地，政府達到了inspire的層次，只是方向相反：網民無償創作，靈感全部來自官方的失敗。
