亞洲貨幣急升，簡單講暫時真係無乜影響，長遠就難講。畢竟，貨幣長期強勢嘅問題係會造成一定嘅資金外流壓力。但短期，真係對台日韓呢啲國家利多於弊。
節目入面無講到，弱美元對香港其實多少都有利；弱美元即係弱港元，用港元計價嘅資產對鄰近地區有返啲吸引力。
但係最根本嘅問題係如果美國經濟出現衰退，就全世界經濟都唔會好到去邊，當然相對上總有啲地方會表現得比較好嘅；台日韓呢啲，大家咪多啲留意吓囉。
過去相關節目重溫：
關稅地圖炮．經濟世界大戰
·
特朗普最新公布嘅關稅措施，畀人感覺好似打緊經濟世界大戰。關稅係咪真係可以增加政府收入？用嚟做談判籌碼究竟又係唔係可以爭取到任何嘢？想爭取啲乜？又或係唔係真係可以將啲工業搬返美國？關稅對美國消費者、國際貿易秩序同埋全球經濟會有乜嘢潛在影響？
Share this post