點解要李嘉誠出面？因為明知北京會反對

Long story short，點解煞有介事要擺誠哥嘅招牌？因為知道北京一定會反對。

北京反對又點？因為誠哥名號太響，如果連佢都被北京打壓，你話其他地產黨、權貴、一般中產會唔會重新判斷中國同香港嘅未來？外資呢？

好，又假設北京唔在乎外資，唔在乎地產黨，唔在乎香港人等等嘅睇法，北京咁高調出聲，係唔係代表已經「無牌打」？如果有牌打，私底下講，誠哥都會知難而退喇。所以，咁大聲叫囂，咪就係 a barking dog never bites 囉。

誠哥唔係無其他方法，就唔會賣喇，亦都唔會放風話呢單刁係佢自己去傾？

北京咁叻，不如自己搵另一對白手套去買晒誠哥呢套資產。

同埋，就算話北京呢排要睇住盤數，都唔會話呢啲碼頭都買唔起啩？所以，講到尾，唔出聲又唔係，出聲又唔知可以點出手。

但我最想講就係，今時今日嘅世界，除咗中國、香港，甚至乎美國、英國、歐洲等，都唔可以在商言商。

呢個轉變，唔係一時之間會轉變；好難唔令人對前境咁到有少少悲觀。所以長和無負債都話要縮減投資要盡量保持現金。

學曹仁超前輩嗰句，持盈保泰喇。