你買私煙，其實係資助緊⋯⋯
香港一包合法香煙，要90幾蚊。過咗關口，同一包煙只係 20 至 30 蚊。唔使學過經濟學都知呢個價差代表乜。2024 年，香港海關三萬幾宗執法個案，有 68 %係走私煙。2025 年仲多。海關每年緝獲六億支，只係冰山一角，截唔到嘅係冰山底下，先至禾味。
問題係：呢啲走私煙係邊度嚟嘅？
然後你諗一諗，全球最大嘅煙草公司，究竟係邊一間？有邊一間公司，可以每年向北京交超過兩千億美元嘅稅收？
香港控煙最基本嘅工具：加稅、禁煙、大圖大字警示；偏偏中国過去二十年來，逐樣逐樣阻擋。中国 2005 年簽署 WHO 嘅控煙框架條約，但翻譯嘅時就用咗中国式嘅方法。後來中央政府想立法控煙，竟然被全國人大阻止。地方政府逐個城市想控煙，點知一樣被阻。
但係，點解香港就禁電子煙又大幅加煙稅，加到明明係全世界吸煙率最低嘅地方，偏偏又係私煙問題最嚴重嘅城市？
簡單嘅經濟學話我哋知，煙稅加得太高，自然會搞出呢個局面。但如果你再問深一個層次，就係啲私煙係邊度供應，成個故事忽然立體咗。
2019 年，我見有人喺Facebook貼圖話：「香港買煙等於支援特區政府」。嗯，買走私煙，可能只係支援另一個政府。
