【得罪人系列】乜用 QR Code 好先進㗎？
點解當年八達通香港世界第一？點解今日啲藍朋友成日話香港唔得？
「咁，用 QR code （二維碼）囉。」第一眼睇篇文嘅標題，覺得作者嘅結論會係咁。
點知，呢篇內文嘅結論，真係講咩國家將二維碼咩跨境應用乜！咁 predictable 嘅？
而篇文當中，嚴格來講無乜推理，只係話香港好落後。
我又要得罪人添。
其實，我都叫同呢篇文嘅作者，都有過數面之緣。咁，我認，我係串嘅；要怪就怪得罪人其實係我隱藏咗嘅天生本領。
入，正，題。
藍朋友眼中嘅科技，就係「國家話咩就咩」，自己唔會諗吓，究竟目前嘅世界，有啲乜嘢科技，可以點樣解決啲乜嘢問題。
…
