影響力大到超乎想像嘅美元

過去四十年美元匯率與環境局勢

國際貨幣四十年簡史

有朋友話鍾意睇我寫貨幣，亦有人問點解呢幾日係嗟寫聯繫匯率。其實我係感覺目前嘅狀況，有啲似歷史重演。

究竟係邊段歷史呢？以下呢一段，都幾長，周末慢慢睇。

以上呢張圖，係由 1973 年到目前嘅美匯指數。美匯指數，反映嘅係美元兌世界其實貨幣嘅相對強弱。美匯指數越高，即係美元越強；美匯指數越低，即係美元越弱。

之前都有讀者 email 問我，點解英磅咁弱，又或者日元咁弱，其實以上所講嘅，都係相對美元而言。唔係其他貨幣弱，而係美元強；甚至對其他資產，例如 crypto 等，都應作如是觀。

唔同嘅資產，對於強美元都有唔同嘅反應。另外，強美元嘅日子，通常都反映資金流向美國，或者其他以美元作交易單位嘅地方。

但係今日我想講吓宏觀嘅經濟周期。

之前寫過，話其實港元掛唔掛美元，其實都避唔開美國嘅經濟周期。有人話香…