香港不只是一個地理概念

自由嘅靈魂，你奈我唔何

曾幾何時，有個地方叫做香港。後來上面有一班人叫自己做香港人；從此，香港就唔再係一個地理概念，而係一種獨特嘅文化，係一種價值觀，係一種身份認同。

1995 年夏天，對我來講呢個唔單止係一個夏天，而且係一個永遠嘅夏天。當年我中學畢業，等緊去美國讀大學。當時我係一個經濟迷，好響往自由市場，好希望將自己嘅一生，都用來研究經濟問題。

6 月 20 日，我已經知道自己會去美國，心情亦係未出發先興奮；就係呢一日，蘋果日報創刊，兩蚊份，仲送一個蘋果。我好記得個一日，心諗：「嘩，黎智英好勁，第日可以好似佢咁就好喇！」

然後，我去咗美國，發現學術唔係我杯茶，所以用極速完成個學位，然後 1997 年就返咗香港，撞正亞洲金融風暴，反反覆覆，輾輾轉轉，打過幾份工，見過下世面，然後就同我個老友創辦咗獅子山學會。

搞智庫學會，非謀利，單身…