買樓好定租樓好？

理性嘅人，要識得分開消費同投資嘅決定

「加息周期，可唔可以寫下買樓好定租樓好？」有朋友提醒，呢個題目應該有市場。

其實「買樓 vs 租樓」，跟同「性本善 vs 性本惡」以及「雞先 vs 蛋先」，可以並列哲學三大難題。

當中又以「買樓 vs 租樓」呢個題目，最多個人情感投射，辯論嘅人情緒最激動。

點解一個明明只係計數嘅問題，可以令人咁多個人感情嘅投射？

無他，對好多人來講，業主同租客，係兩個對立嘅身份，就好似資本家對工人，統治者對人民。

事實當然唔係咁。有啲業主，可以同時都係其他人嘅租客；至少我自己試過。

今日嘅呢個分享，如果只要你記得一件事：「理性嘅人，要分開去消費同投資嘅決定。」

01，住邊，住幾大，係消費決定。邊種單位間格租金回報最高，租金回報升得最快，又係另一回事。你自己嘅個人需要，同市場整體需求，多數時候都有啲差別。所以，將消費同投資嘅決定綑綁…