假如香港唔係殖民地，咁又算係乜？

竄改歷史嘅真正問題，係統治者自己都唔知點樣行到今日呢一步。

講咗大半年嘅《香港紀事本末》，開首第一章，就係講太平洋戰爭。

原來日軍向英美正式宣戰時，英國已經統治咗香港 99 年。

雖然神奇國度開口埋口話百年屈辱；但為何太平洋戰爭期間，被囚禁入赤柱嘅香港官員，全部都係英國人。

英國人當時唔住係香港，就真係受到屈辱；又話說回頭，太平洋戰爭期間，中共又有何建樹？

至於國民黨同蔣介石，或者都唔係乜嘢好人好者。英國政府，到後來亦未必對香港人仁至義盡。

但問題係，中共對香港，究竟又做過啲乜好人好事呢？

成日話歷史不容竄改，但實情又係乜？或者，至今香港都仍然「被實行殖民統治」？

我都係睇返教科書裡面對殖民統治嘅定義：

01，殖民地，可近可遠；

02，獲得殖民地嘅方式，既可以係戰爭，但亦可以係透過政治、經濟手段；

03，被殖民統治嘅人，公民權益唔完整，本土文化亦被貶抑為次等，甚至連身份、歷史會被…