中共為甚麼要審黎智英？

中共最希望係黎智英會屈服、認罪；但佢哋太過低估黎智英。

早幾日參加一個活動，有個洋人問：「點解中共唔就咁解決咗黎智英？咁咪一了百了囉？」

講返呢個活動，其實係 Mark Clifford 新書 The Troublemaker 嘅發佈會；而我都只係觀眾席參與吓，叫做支持吓。而剛才提到嘅呢條問題，背景係新書發佈會有討論到啲專制極權政府，點樣對付異見人士。「解決」嘅意思，大家亦都心知肚明係點解。

發佈會完晒之後，我同幾位相識嘅朋友，繼續討論呢個題目，而我嘅睇法就係：「一個活生生嘅黎智英，對中共更加有用。」

點解咁講呢？中共嘅目的，係要摧毀黎智英呢個符號；黎智英代表咗啲乜？佢代表一種香港人，一個逃離中共極權，係香港獲得自由以及一切機會，然後獻身於維護呢個地方嘅自由同各種普世價值。五、六十年代嘅香港，有唔少好似黎智英咁嘅人，佢哋選擇咗做香港人。當時嘅香港，生活唔算好好，…