【是日隨筆】秦檜該當何罪？

中日關係咁緊張，我次次出 post 又遇到啲 #榕樹頭講故佬 嘅歷史。不如，認真咁寫幾篇隨筆，講吓漢民族主義嘅前世今生。

「岳飛，字鵬舉，湘相州湯陰人也。生時，有大禽若鵠，飛鳴室上，因以為名。」我呢個年代嘅朋友，點都應該認得呢段文字。

但大家有冇考究過，呢段文字嘅曲故？

《宋史》由元帝國編修；可能你會好奇，蒙古人點解會對一個宋朝將領咁推崇備至？

最基本，當時岳飛嘅身位，係抗金名將。而蒙古呢？曾經被金（女真統治）但之後就同宋聯手滅金（公元 1234 年，好好記）。