消費香港

究竟我哋可以做啲乜去令香港人如何變身世界公民？點樣先至令香港精神繼續落去？

有一次，我去一個沙龍，講吓香港、中國之類；我諗住做少少嘢，令眾人對香港有個深刻少少嘅印象。結果，我搵咗啲港式奶茶（又係飲飲食食）。

「正面啲去諗，過去三幾年最大得著，係我哋唔需要再同人講，香港唔係日本嘅一個地方。」我成日都用呢句做開場白。

「我都識少少廣東話㗎！你好嗎？」好多時，如果對方係洋人，又真係識少少廣東話，佢又知道你係香港來嘅，通常佢都會咁樣同你講。之後都係講吓佢幾時去過香港，做啲乜，係咪最鍾意飲茶，食唔食鳳爪。

然後？然後便沒有然後。最多就會細細聲講多句：「佢哋教我講粗口；我識廣東話粗口。」

講真，過去百幾年來，香港嘅公民社會，洋人有洋人嘅世界，外省人亦唔係個個都融入得到；至少我嘅親戚朋友，有啲外省人兩代都未真正融入。

或者，香港嘅社會本來就係多元並存；但係除咗飲飲食食同粗口，究竟仲有啲乜嘢係好獨特嘅…