【是日隨筆】愛國者的元宇宙應用示範

以後要去世界各地示威就方便得多喇！

十幾年前，我有個朋友，好鐘意示威；情況就有啲似依家啲人，乜都可以開 live 一樣。

每次示威，都有一、兩間報紙會報吓佢；久而久之，佢亦變成示威熟手技工。

「但係得個幾丁友，示威都變示弱喇。」我問。。

「經過鏡頭，讀者就只係見到一張相。」佢又有佢嘅道理。

其實當年都未有藍黃，只有泛民同建制。呢位朋友，雖然佢曾經都想成為民主派嘅一員，但或者真係道不同，不相為謀，一直都被拒之於門外。後來，佢漸漸變藍；自從變藍之後，身份亦都由台前走向幕後，唔駛再拋頭露面。又或者，佢露面嘅場合，都衣香鬢影， 冠蓋雲集。

呢幕元宇宙示威，又再令我諗起當年呢位藍朋友，以及佢個種好積極咁去示威嘅場景。

諗深一層，天下唔會有無緣無故嘅恨；當年我呢位朋友，好多事其實都係借題發揮，佢知道，能夠曝光，就有政治本錢。

話說回來，你睇呢班人，呢個小本經營元…