【十一月會員通訊】 我們與財富的關係

一直以來，真係無乜福利畀大家；我又無必賺嘅貼士，又無乜身材樣貌可以出賣，內容嘅嘢，真係唔算得乜嘢福利。答問題，我又好揀擇，更成日唔記得，亦唔係乜都識答。剛剛過去回程機上面我就諗：「究竟有啲乜嘢我係可以畀到大家，而其他地方無，又大家可能會有興趣？」

搭飛機無得上網，反而係工作最有效率嘅時候。

剛剛結束旅行返美國，十幾個鐘寫咗好多筆記。雖然未必每篇都會分享，但每個想法對我自己都好有意思；例如，我好好咁反省，究竟自己寫文拍片係為咗乜。當然有訂閱有廣告係非常重要。但掉返轉頭咁講，對我重要，都要對大家有價值。否則就係自我感覺良好，亦都唔需要攞出來獻世。

細心嘅朋友可能會留意得到，自從攞咗個十萬訂閱銀獎之後，我拍嘅片好似多咗人睇。其實，近來我都有改變自己嘅工作方法。做事要有效，方法比靈感重要。

呢個亦係過去一年左右學…