莫天真．勿糊塗

【好大盤棋】中聯辦咁高調刊登篇文，好唔尋常呀。其實，又有冇可能⋯⋯

呢一篇，懶得錄，就係咁意寫幾筆。

首先，唔尋常又點？點解唔尋常？中共對付有錢佬，有幾唔尋常？關於地產黨同共產黨嘅矛盾，就算唔係會員都應該聽我講過（好多次添）。

「咱們一家人。」成日講住就「見外」喇。

今時今日香港地產黨，無道理唔知自己係外人啩？根本問題不在於佢哋係香港人，一啲都無種族嘅問題，而係階級嘅問題。人哋既得利益圈子，又有世襲又有制度利益，真係從來都唔會同圈外交接，真係自古以來都係呢個傳統。

政協做到常委主席列，就已經係香港人嘅權力天花板；而呢個天花板其實都真係好低下。你估以前咩，仲有乜統戰價值呢？

憑我近距離觀察，地產黨係驚北京，真心驚，從來都驚，冇一刻係唔驚。所以反廿三條背後發功，你估冇地產黨份？就算反送中初期，都見到有地產黨嘅指紋嘅。

你又估，北京知唔知？梗知。所以之後吹大雞要「愛國愛黨」出晒面咁撐修…