【是日隨筆】香港人在忒修斯之船上

未來嘅香港文化又會點？可唔可能落地生根，開枝散葉？我又要點樣去孕育我哋版本嘅 creation myth？以上呢啲問題，肯定唔會只係得一個答案。甚至乎，往後嘅日子，唔同地方嘅香港人、新香港人，都會爭住認係最正統嘅香港人。唔緊要，有肯人爭住認係香港人，總好過冇，你話係唔係？

早幾個星期，有唔少朋友都同我分享咗 YouTube 頻道 「皮毛小知識」當中嘅一條片，內容係講香港人嘅身分以及古希臘嘅一個哲學命題：「忒修斯之船」。條片製作得好好，情理兼備，值得推介。

「忒修斯之船」（Ship of Theseus）是個經典嘅思想實驗。話說，傳說中殺死牛魔王 Minotaur 嘅英雄忒修斯，佢當年遊行於愛琴海嘅一艘船，原來響佢上咗神台之後仍然一直航行，只不過舊嘅部分逐漸被更換成新嘅。

係咁換下換下，到最後艘船上原來嘅每一條木，每一口釘都換晒，原來嘅部分完全無留低；到咗呢個時候，艘船仲係唔係原來嘅 「忒修斯之船」？

忒修斯之船，所指嘅究竟係硬件？定係背後非物質嘅成份？一件事嘅本質究竟係乜？係構成部分嘅總和？定係仲有其他嘢？

甚至乎有人會從呢個哲學實驗引伸出：「任何事情，任何身份同概念，都一定會…