肥咗

無得唔面對現實；重點係點樣去改變。

無得唔面對現實；重點係點樣去改變。近年低位係 160 磅。

其實同人比賽，定吓目標呢啲，對我都係無乜用。正面啲咁睇，我份人真係好佛系，完全無鬥心無恆心。但據說有個講法，就係 don't set goal ，build a system 。嗯，呢樣似乎對我 work 啲。

是咁的，只要每日有 500 大卡嘅 deficit，就可以平均一個星期減一磅。即係半年左右就達標。

點樣減低食慾呢？之前嘅經驗係早餐打返杯 bullet proof coffee；好多人用牛油，但我用椰子油。有一排用 MCT ，又好似真係功效好啲。然後成日最多就係一個鐘頭內，食多兩隻蛋之類。

我有一排就係咁食，然後成日都唔覺想食嘢。好多時，人食嘢都係為咗解悶，又或者習慣，而唔係因為肚餓。可能有人會話咁樣食得唔夠，又話會「壞胃」。「壞胃」呢個講…