金融發展局是條紙底褲

制度點樣令好人變壞，壞人上位，好事變壞事。

成個金融峰會亂局，可以批評嘅地方好多，但今日我只係想針對一件事：「點解個峰會由金管局去負責？」

「點解唔可以？」對唔住，你當我強迫症都好，世上每件事都有存在嘅意義；一條紙巾，一條底褲，都有佢嘅用途。將條紙巾當底褲著，又或者將條底褲當紙巾用，都係唔妥當嘅。

金管局，就只有兩個社會功能：一，捍衛港元兌美元聯繫匯率；二，確保香港銀行系統風險可防可控。而第二個目的，係為第一個而設。

推廣香港金融業發展，其實幾前年政府唔係整咗個金融發展局㗎咩？點解唔係由金融發展局去搞呢個峰會？

「咪一樣都係政府嘅機關，邊個做有乜分別？」咁樣講嘅人，就係可以將底褲當紙巾，紙巾當底褲。無話唔得嘅，紙底褲都可以一物兩用。但記得，撈亂還撈亂，最好都係唔好同一條紙底褲著完攞去抹嘴，又或者掉返轉都唔好。

金融峰會亂局始末