越爛嘅牌就越係要畀心機去打

心態上，永遠都要記住：贏係運氣，但唔輸大牌，就係技術。

新年流流，本來就唔應該講啲大吉利事嘅嘢；但我份人就唔信呢啲嘢。

二來，我覺得呢個時候，更重要係同大家講心理質素呢個題目。話說「歷咕歷咕新年財」呢套戲，就係對上一次香港衰到谷底嘅時候，一套出奇地咁深入民心嘅電影。

最呢套戲裡面，最燴炙人口嘅一句對白，應該係：「越爛嘅牌，就越係要畀心機去打。」

時移世易，可能今日嘅人會話：「鬼唔知咩？點畀心機先得㗎？心機係唔係收響西裝袋？隨時可以攞出來用？你夠成日話，只要一聽到有人話『有信心』，就知條友冇辦法。咁你有乜辦法可以打好一手爛牌先？」

我唔敢話自己係麻雀大俠，但都叫打咗幾十年牌，有啲經驗可以分享吓。

首先要記住係：「係你打緊牌，唔係牌打緊你；手牌爛，係手牌爛，你嘅責任只係去見一章打一章。」換句話說，其實無論手牌係靚定係爛，心態上都要抽離；唔好將自己當咗係手牌。

呢點好緊要：…