【是日隨筆】大台執迷 vs Subsidiary

從 First Principle Thinking 去思考香港人公民社會組織

緣起：之前有篇講到，我覺得香港人嘅公民社會要有前途，就必須走專業化；但有讀者朋友提醒，咁樣講好易令人以為我主張起大台。另外，今個月初去多倫多趁熱鬧嘅時候，其實都有同當地嘅朋友講開「起大台情意結」呢個問題。最後，之前認識咗幾位 89 年北京參與民主運動嘅前輩，其中有一位提到當年嘅西門聯合大學；佢話叫我哋香港人可以諗吓係唔係應該有個廿一世紀嘅香港聯大。

結論：其實對於起大台抑或拆大台，我嘅態度係：「大台嘅嘢，幾時輪到我哋話起就起，拆就拆？」

是日重點：有個概念叫做 subsidiarity 。簡單解釋就係：「任何決定，由最細而又可行嘅單位去做。」

可以一個人做嘅決定，唔需要兩個人去做。可以一家人自己決定嘅事，就唔需要全村人去討論。可以一個國家自決，就唔需要拖全世界落水。