假如港元真的脫勾 ✂️ 🔗

之前解釋點解唔應該脫勾，今次講假如真係要發生嘅話，會點樣發生。

「歷史沒有如果。」呢句係我嘅口頭禪：但未來呢？未來就 never say never ；除咗萬物皆有終始，其餘就無乜嘢係可以肯定。

所以，之前我都只係講「點解唔應該脫勾」。但係再多不該嘅事，都真係曾經發生過，亦一定會再發生。換句話說，我唔係話聯繫匯率永遠唔會脫勾；我只係話，個啲認為應該廢除聯繫匯率嘅人，一係就無知，一係就無恥；甚至兩樣都有啲。

呢篇係「聯匯微系列」暫時最後一篇；如果連會點樣脫勾都寫埋，我已經諗唔到仲有乜嘢可以補充。

首先，就係假如真係脫勾，我可以想像有兩種情境：

（一）失驚無神，忽然宣佈港元自由浮動（震撼程度 ⭐️⭐️⭐️⭐️⭐️⭐️ ｜ 機會率：微）；

（二）漸漸咁過渡（震撼程度 🥷🏻｜ 機會率：甚高）。

究竟乜嘢時候會失驚無神咁宣布一啲嘢？可能係某個周末，又或者星期五嘅深夜。神奇國度嘅財…